Brazil-a bus chesualah mi 15 vel thi

Brazil hmarchhak lama bus chesualah a chuang mi 15 vel an thi niin thuneituten an sawi.
Bus-ah hian mi 60 an chuang a, sakhaw thila an zin haw lam chu Thawhlehni tuk khan Alagoas state laili thingtlang kawngpui zauva a kual laiah an let a ni.
Thi zingah hian naupang pathum an tel niin sorkar chuan a sawi a, dam chhuak thenkhat chu thlawhna hmangin damdawi inah phurh an ni.
Social media-a thlalak leh video darhah chuan bus hi a sir zawngin a let a, rikruma che chhuak thinten an hual velna karah a keh darh a darh nuaih bawk tih a lang.
An chetsual chhan hi chhui hna thawh nghal a ni.
Thuneitute chuan a khalhtu hian thunun zo lovin kawngpui atanga tlan chhuakin a let a, a din hma hian vawi tam tak a let hman ni ngeiin an ring.
Chanchinbu thenkhat chuan a inhliam zinga a na ber chu naupang kum kua mi a ni a, damdawi inah lak niin a lu-ah na takin a inhliam niin an tar lang.
Bus-a chuangte hi Ceará state-a sakhaw kût lian tak, Our Lady of Candeias chhima kalte niin an haw lam an chesual a ni.
Bus hi Ceará-a Alagoas to Juazeiro do Norte, Coité do Noia khawpui atanga mi eng emaw zat haw phurtu bus eng emaw zat inzui zinga mi a ni a. An zinkawng hi km 563 vel niin a tlangpuiin darkar riat vel an tlan thin a ni.
Chetsualna hi São José da Tapera-a thleng niin Coité do Noia chhuahsan dawna kawngpui ngil tha lai awmna hnuhnung ber a ni.
Coité do Noia Mayor Bueno Higino Filho chuan, “Kan inhloh nasa hle a, ka thian tha tak tak vek an ni a. Tukin ka tho chu chanchin lungchhiatthlak tak ka hre nghal a, eng nge puih theihna ka neih ve hriat tumin chetsualna thlenna hmun hi ka pan nghal a ni,” tiin thuthar lakhawmtute hnenah a sawi.
Alagoas state governor chuan ni thum chhung sunna hun an hmang dawn tih as awi a. “A tuartu chhungkua leh an thiante ka tawrhpui tak zet a ni,” tiin Paulo Dantas-a hian social media-ah a tar lang a ni.