Daily Newspaper

Brazil-ah Covid019 kai pung zel, nunna chan tam tawh

12

Brazil chuan Covid-19 avanga nunna chan 100,000 chuang a nei ta a, khawvela nunna chan tamna ber pahnihna ni tawhin Brazil-ah hian pandemic leng in ziaawm lam a la pan lo hle thung.

Covid-19 hian thla thum chhungin Brazil-ah nunna 50,000 chuang a la a, mahse, chu aimah chuan tun hnai ni 50 chhung lekin a let hniha nunna chan an pung ta thung a. Tun dinhmunah Covid-19 kai maktaduai thum chuang a nei tawh bawk.

Dawr leh restaurant te hawn a nih tawh bakw si avangin pandemic hian chuai lam a pan dawn lova ngaih a ni bawk a.

President Jair Bolsonaro chuan virus nghawng pawm duh lovin econmy tichhe thei chetlakna inkhuahkhirhna te duh lo bur a ni bawk.

Far-right leader hian Covid-19 a kai hial bawk a, Brazil state tena Covid-19 leng dan nana khuah khirhna an siam te do tlattu niin a chang leh mipui kawngzawhnaah a tel a, hmaikawr a vuah lo bawk.

Mithiam te chuan Bolsonaro sorkar chuan co-ordinated plan a siam duh loh avangin local authority te chuan economy hawn an kalpui lo thei si lo va, hei hian virus inkaidarh a ti nasa zual dawnah an ngai a ni.

Eng tiangin nge Brazil in chet a lak?
Health ministry kaihruai mek tu chu army general niin public health lama thiamna nei hauh lo a ni. A hma in minister pahnih physician ve ve te chuan President Jair Bolsonaro nena social distancing measure leh hydroxychloroquine treatment chungchanga inmilloh avangin an ban phah tawh.

President Bolsonaro hian Covid-19 hi ‘hritlang tenau’ tia sawiin ram chung leh pawnah nasa takin a chetlak dan sawisel a ni a. Covid-19 kai zuiin a dam phahna chhan chu malaria damdawi a ei vang a ti zui bawk.

“Mangng takin kan nun dawn a, a chhan chu kan thil tawn mek hi indo lai ang mai a ni. Brazil hi a huhova tihchawmawlhin kan awm a ni” tiin Dr Jose Davi Urbaez, Infectious Diseases Soceity senior member chuan a sawi a.

“Sorkar thurawn chu : ‘Coronavirus kai ula, i laknat viau chuan intensive care a awm’ hei hian policy kalpui te a funkim viau” tihialin a sawi bawk.

Brazil-ah hian Covid-19 kaihhnawih avanga nunna chan 100,477 an awm tawh a, virus kai hrim hrim 3,012,412 an awm tawh niin halth ministry chuan a sawi a, hei ai daih hian a takah chuan virus kai tam tura ngaih a ni a, test tlem em vangin a nihna tak hriatloh zawka ngaih a ni.

THE AIZAWL POST – Rampawn

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy