Daily Newspaper

Brazil tana khel thei lo tur Jesus

16

Karliamta Zirtawpni daih tawha Brazilian football federation (CBF) thuchhuahin a tarlan danin, Man-chester City-in Premier League match khela Wolverhampton Wanderers an luhkhung tuma inhliam Brazil forward Gabriel Jesus kha thla thar World Cup qualifiers lamah an chhawr thei dawn lo.

CBF-in a tarlan zel danin inhliam Jesus hmunruakah hian Her-tha Berlin player Matheus Cunha an dahlut dawn a, ani hian Bolivia leh Peru ep zawnga khelmual luh theihna hun remchang a neih phah dawn a ni.

A lo berah pawh chawlhkar thum chawl tur Jesus hi Pathianni English Premier Lea-gue match-a City-in Leicester City an mikhual tum pawh khan inlan thei loin, Nilaini League Cup fourth round tie-a Burnley an luhkhung hunah leh October ni 3 league game-a Leeds United an luhchilh hunah club-in an chhawr thei dawn lo.

CBF chuan English club lamin Wolver-hampton game-a Gab-riel Jesus inhliam chung-chang Brazil team doctor Rodrigo Lasmas an hrilhhriat tawh thu an tarlang.

Brazil hian October ni 9 khian Sao Paulo khaw 2022 World Cup qualifiers-ah Bolivia mikhualin, nili hnuah Peru nen Lima khawpui lamah an insu zui leh dawn a ni.

Khawvel puma football player-te intel-khawmna FIFPRO lam chuan covid-19 len nasatna rama teivah vel hi an hlauhthawn thu an puang tawh a, an buaina pakhat chu South American player-te hi Europe, North America leh Asia atanga haw-khawm tur an ni a, international break zawhah an khelhna club theuhah kirlehin ‘qua-rantine’ bawk an hmachhawn leh dawn a, chu chu tunlaia player-te vahvel chak loh chhan bulpui ber a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy