BRICS summit a tel turin Modi-a’n Putin sawmna pawm
Prime Minister Narendra Modi chuan Brics summit vawi 16-na, October 22-23 chhunga Kazan, Russia a neih turah Russia president Vladimir Putin hnen atangin sawmna a dawng a, Modi chuan a pawm thu external affairs ministry chuan nimin khan an tarlang.
He summit-ah hian Brics ram tih len dan tur chungchang ngaihtuah a ni dawn a, Egypt, Ethiopia, Iran leh UAE te chu lakluh diltu langsar niin, an chungchang ngaihtuah a nih dawn bakah, an thupui sawi ho tur zingah khawvel himna leh hmasawnna ruala ke an pen tlan theih dan turte ngaihtuah a ni dawn a ni.
Brics ramte hi Brazil, Russia, India, China leh South Africa te an ni a, an ram hming bul theuh la khawm hian an hming phuah niin, hmalakna lian tham tak tak an lo nei tawh thin bawk.
PM Modi chuan Brics ramte chu khawvel pumah ram lian leh thiltithei tak tak an nih thu sawiin, an hun hman tur pawh hian nghawng tha zawk a neih ngei a beisei a, Brics thiltih leh ruahmannate chu an member ramte mai ni lo, khawvel ram tin nghawng leh that tlanna tur a nih ngei a beisei thu a sawi.
BRICS summit a tel turin Modi-a’n Putin sawmna pawm
