Brig.T.Sailo Building Lungphum phum dawn
People’s Conference Party te chuan vawiin march ni 23, 2023 (Ningani) hian “Brig.T.Sailo Run” lungphum phum an tum a. He an Party Office building thar “Brig.T.Sailo Run” lungphum an phum turah hian PC mi leh sa leh mitin te tel turin an sawm a ni.
PC Party President, Vanlalruata chuan, kum 2023 MLA inthlanpui kan hmachhawn tur atan an inbuatsaihna hmasa atan, PC Party chuan Aizawl lam thlir bing hmasak an tum thu a sawi a. Aizawl-a bial tin Candidate tur pawh an in ruahman chho mek zel tih sawiin MLA Constituency dang pawh a tahtawlin hma an la chhunzawm zel dawn tih a sawi.
Lunglei Municipal Council Election chungchang sawiin Vanlalruata chuan PC Party pawh in LMC Election hi chuh ngei tumin inruahmanna pawh engemaw chen an lo nei tawh tih a sawi a. An Party Office building sak thar na hun remchang a rawn inher chhuah hlauh thu sawiin loh theih loa beihpui thlaka bawhzui a tul tak si avangin, Lunglei lama an Party hruaitute nen pawh uluk taka ngaihtuahin an Party Office building sak thar tur lama tuan phawt mai nise an tih avangin Lunglei MC inthlanna turah hian an Party mite chu, mi tha leh rintlak te chauh Vote mai tura zalenna an pek thu a sawi bawk.
Brig.T.Sailo Building Lungphum phum dawn
![](https://theaizawlpost.org/wp-content/uploads/tap_logo-min-large.jpg)