Britain palaiin CYMA kawm
Mizoram tlawhtu British deputy high commissioner Kolkata Nick Low chuan Zirtawpni khan Central YMA hruaitute a kawm.
Central YMA hian an president R Lalngheta hoin office bearers leh CEC member thenkhatten an lo dawngsawng a. British palai chuan Kolkata atanga India ram chhung state 13, a bial chhunga awmte tlawhchhuakin ram mipui a kawmkual tih a sawi a. YMA-in Mizo mipui tana hna a thawk thin chu ropui a tih thu leh a ngaihsan thu sawiin, tunhnaia an tualchhung buaina avanga Myanmar, Bangladesh leh Manipur atanga raltlante Mizoramin a lo dawngsawn thin chungchangah YMA-in tha a thawh ropui hle tih a sawi a ni.
Central YMA hruaitute chuan Mizo thalaite tana British Army-a an luh theih dan tur, doctor leh nurse-te tan bakah entrepreneurship lama tui Mizo thalaite tan Britain-a hna an thawh theih dan turte an lo sawipui a. Scheme hrang hrang hnuaia an kalpui theih dante Nick Low hian a hrilh a ni.
Britain palaiin CYMA kawm
