British serial killer thiamloh chantir

Britain-a neonatal nurse Lucy Letby, Modern British history a naupang thattu turu ber tia sawi chu dam chhung lung in tang tura a chungthu rel a ni.
Kum 33-a upa hian Countess of Chester Hospital a naupang pasarih tihlumin nausen dang paruk lai thah tuma puh nia thiamloh chantirin a awm a ni.
Letby hian nausen te-ah boruak vit lutin, hnute pe luiin nausen pahnih phei chu insulin hmangin turin a hrai a ni.
Letby hi dam chhung lung in tantir a ni a, Uk history-ah amah hremna anga nasa an pek hmeichhia pathum dang an awm chauh anga ngaih a ni a.
Dam chung lung in tantir chu hremna na thei ber niin sual uchuak te hrem nan chauha hman thin a ni. Justice Goss chuan Letby in June 2015 atanga June 2016 inkar chhunga a chet dan chu ‘rapthlak takzet’ tiin a sawi.
“Mihring nunphung pangngaia nausen te enkawla duat kalh tlata che in khua leh tui tinte leh medical leh caring professional te hnathawha rinna nghah kalh tlatin chet i la a ni,” tiin a sawi.
Judge chuan Letby chu inchhirna hmel pawh lantir lo leh tihsualah pawh inchhirna eih nei lo tiin a sawi bawk.
Letby case hi thla 10 lai ngaihtuah niin thiamloh chantir a nih laiin a thah tak nu leh pate chu an tap hlawm a, Letby avanga an nun thlak danglam chu siam that theihin a awm tawh dawn lo.
Britain pumah misual 70 lai dam chhung lung in tang tur an awm mek a. Heng mite hi lung in atanga chhuah ngai miah loh tura ngaih te an ni bawk.
Letby tih loh dam chhung lung in tang tura tih hmeichhe dang pathum Rose West leh Joanna Dennehy te chu serial killer an ni a, anni bakah Myra Hindley te chu awm bawkin kum 2022 khan a thi tawh thung.