Daily Newspaper

BSF-in silai 30 leh a mu thahnem tak man

22

Mamit district chhung khawthlang lam Bangladesh nena inrinaa duty 90 Bn. BSF chuan Thawhtanni zan khan dan loa tawlhruk silai AK-47, AK 56 leh carbine leh a mu thahnem tak an man.

Border Security Force hian September 28 zan dar 11 vel khan an thudawn bawhzuiin Mamit district-a Phunldungsei khaw daiah lirthei pahnih tidingin, lirthei an dapnaah AK-47 rifle 28, AK-56 rifle 1 leh US carbine 1, a vaiin silai 30 an man a, silaimu 7894 an man tel bawk. Silaimute hi AK rifle mu leh carbine mu an ni a, magazine 28 a tel a ni.

He ralthuam phurhnaa inhnamhnawha sawite chuanna, Mahindra Thar MZ-01 K 5262 leh Bolero camper MZ-01 L 4949 te chu hren nghal niin, mi pathum – Lalhuapzauva (56) Chaltlang Aizawl; Vanlalruata (25) Ramhlun South Aizawl leh Liansanga (46) Armed Veng Aizawl nia insawite chu hren nghal niin, an kuta awm sumfai Rs. 39,020 leh thildangte other hren tel a ni bawk. Silai hi lirthei seat hnuaiah a dahna siamchawpa thuhruk nia sawi a ni.

BSF-ten silai leh a mu an man taka mawhphurtu nia rinhlelhte hi Marpara Police Station-ah Arms Act 1959 hnuaiah thubuai ziahluh a ni a. Thu zawhfiah turin Mamit Police Station-a lak an ni.

Thawhlehni khan Mamit SP Shashank Jaiswal leh BSF inspector general Sunil Kumar te chuan Mamitah thuthar thehdarhtute kawmin, BSF IG hian silai hi khawilama tawlhruk tur nge tih hriat a nih loh laiin, ralthuam hi Myanmar lam atanga rawn kal nia hriat a nih thu a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy