Tun hnaiah BSF te’n Bangladesh a\anga Mizorama lut raltlante a kirtir leh \hin a, June ni 16 leh July ni 4-ahte mi engemaw zat an kirtir hnuah July ni 6 khan mi engemaw zat kirtir an tum leh a, mahse an \hulh tih thu dawn a ni.July ni 6-ah hian Lawngtlai District-a Damdep II atangin raltlan mi 93 vel kirtir an tum a, hemi tuma mite hi July ni 4 zana Damdep II-a lut an ni.
Thu dawn danin, July ni 4 zana Damdep II-a lut raltlante hi a tukah BSF te’n Community Hall-ah an kokhawm a, hetah hian Chawngte atanga kal Mizoram Police SDPO leh Vaseikai OC pawh an tel. Raltlante hming leh khua chhinchhiah a ni a, damlote chu BSF hian damdawi an pek bakah zanriah an siamsak. Tukthuan chu Damdep II MHIP-in an buatsaih a ni. A zanah hall-ah hian riahtir an ni a, a tuk zingah Damdep khawtlang hruaitute’n an han ngaihven chuan raltlante hi an lo awm tawh lo.
Zing dar 6 velah khawtlang hruaitute hi an thleng a, raltlante hi an lo awm tawh lo tih thu dawn a ni. VC, YMA, MUP leh MHIP tangrual huaihawtin mipui lungawi lo an pungkhawm a, ‘Kan unau raltlante hum theitu tur sorkar kan duh’ tiin an au rual a ni.
Raltlan-ah hian pitar leh putar an awm nual a, a upa ber chu kum 83 mi, mipa a ni a, a naupang ber chu kum khat mi, hmeichhia a ni.
Raltlante hi Bangladesh-a Chittagong Hill Tracts-a Zo hnahthlakte an ni a. Bethel, Varung, Happy Hill, Cheihkiang, Bokalek, New Eden leh Gethsemani khaw mite an ni.
BSF hian an thil tum an thulh a, raltlante hi kirtir tura ramri-a hruai lovin Kamtoli-a an camp-ah an lo dah tih hriatchhuah a ni. Chuta tang chuan Chhippui-ah an hruai a, Chawlhni khan Chhippui-a BSF camp-ah raltlante hi an awm.
Police te hnen atanga thudawn danin, BSF hian raltlante hi kirtir an tum ngei a, kirtir tumin Damdep II atang pawh khan an hruai chhuak a ni. Mahse an thulh leh a, an thulh leh chhan hi an hotute hnen atanga thudawn an neih vang nia an hriat thu leh, Mizoram sorkar hmalakna vang nia an hriat thu police lam chuan an sawi.
Chawngte SDPO hovin police te’n Chhippui-a BSF camp atang hian raltlante hi lak an tum a, Chawlhni zan khan an hruai chhuak nia hriat a ni. Raltlante hi Chamdur P lama awm rih tura tih an ni.
BSF te’n raltlan kirtir tur an thulh
