Daily Newspaper

BTS member te sipai tan hun tih tlai nan S. Korea dan an siam

10

South Korean parliament chuan K-pop group BTS member te sipai tan hun sawn hlat theih nan dan thar an pass ta rup mai. South Korean danah chuan an mipa te chu kum 18 leh 28 inkar an nihin a tlem berah kum hnih tal sipaiah an tang ngei ngei tur a ni a, mahse, BTS leh S. Korean musician dang tan a upat lam hi kum 30-ah an sawn ta a ni.

BTS member pahnih Jin leh Suga te chu kum 28 an tling dawn hnai tawh a, dan hmasaah chuan kum 28 an tlin tawh chuan sipaiah an tan ngei ngei a ngai tawh dawn a, sawn hlat theih a ni tawh lo va, mahse, an pual liau liauin parliament-ah dan thar an pass a, BTS leh musician dang tan sipai tan theih hun upat lam hi kum 30 an ti ta a ni.

Military Service Act an ennawn thar leh takah chuan Ministry of Culture, Sports and Tourism-in a recommend pop culture artist-te hi an sipai tan kum hi kum 30 thlenga pawhsei sak an ni. He dan hi an ennawn hma chuan athletes, classicial musician leh Ph.D. program ram pawn lama ti te chauh ngaihhnathiam theih an ni thin a ni.

He dan thar hi BTS fans, BTS Army te chuan an lawm hle a, December ni 4 kha BTS member Jin pianchampha a lo ni ve chiah bawk nen, Jin tana birthday gift, tiin an lawmpui thu an puang nghal sup sup a, fans thenkhat phei chuan he dan thar hi New BTS Law ti ten an sawi hial a ni. He dan thar hi pass lo se chuan Jin leh Suga te hi kumtharah chuan sipai an tan a ngai ve tawh mai dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy