BTS Suga documentary ‘SUGA:Road to D-Day’
K-pop star, BTS member Suga solo documentary ‘SUGA: Road to D-Say’ chu Disney+ leh Weverse-in an tichhuak dawn a, a teaser second 30 a sei a tichhuak ta. He documentary-ah cuan Suga chu a lailum luahtu a ni a, a teaser-ah hian thlalak hrang hrang, khawvel khawpui hrang htang- Seoul, Tokyo, Pueongchang, Chuncheon, Las Vegas, Malibu leh San Francisco te pawh a lang a, Suga chu thlawhtheihnaah khawvela a zinkual lai a lang bawk.
Suga chuan, “Hetiang kawng hi ka zawh ve vawikhatna a ni a, ka phur takzet a ni,” tiin face mask vuah chungin a sawi a, ama tawkin khawvel hmun hrang hrangah a kal a, thlalera ni thlak dawn ruaia a inkhalh lai te pawh a lang.
Suga chuan concert an neih chang a, a tawp hnuah “Ka va chau e,” an tih thin ang kha a nih ve loh thu sawiin, “Hetiang hi ka tih ve vawi khatna a ni a. Korea-ah pawh hetiang hi ka ti ngai lo,” a ti bawk.
BTS member te hian group anga an chet chhuahna te chawlhsan rihin, mahni seh seh mual hranah tiin an tla hrang deuh sap sap a, solo project pawh an nei kim tawh viau a ni. Suga bandmate J-Hope pawhin a solo documentary ‘IN THE BOX’ chu Disney+ kaltlangin kumin kumtir lam a tichhuak tawh a, thla kalta mai khan Suga hian a solo world tour hmasa ber chu April ni 26-ah UBS Arena, Belmont Park, New York-ah a tan dawn tih a puang tawh bawk. He rapper leh dancer hian Rosemont, IL, Los Angeles leh Oakland-ah te May thla tir thelngin show a nei dawn a, May ni 26 atangin Jakarta lamah a thlawk lut ang a, June-ah Japan a thleng dawn a, Bangkok, Singapore te tlawhin show a nei a, June thla chamhma lamah chuan Japan thlengin, Bangkok, Singapore leh Seoul-ah te show a nei leh ang.
BTS Suga documentary ‘SUGA:Road to D-Day’
