BTS member Suga chuan a vawi khat nan ama pualin world tour a nei dawn tih February ni 14 khan a puang a, Weverse-ah a tour neih tur chungchang hi post-in, April ni 26-ah UBS Arena, Belmont Park, New York atangin a kick-off dawn a, New Jersey, Illinois leh California te a hrut hmasak tur zingah an tel a, New York leh New Jersey-ah hian show vawi khat ve ve a nei ang a, Illinois-ah show vawi thum neiin, California-ah show vawi nga a nei dawn bawk.
North America bakah Jakarta, Bangkok leh Singapore te pawh a hrut kual ang a, June ni 24 leh ni 25-ah an ram, South Korea-a Jamsil Indoor Stadium, Seoul-ah show a nei dawn bawk a, Japan pawh kal tura tih a ninain a hun tur an la puang lo thung.
Nikum July khan BTS member J-Hope-a’n Chicago-ah Lollapalooza a headline a, October-ah Jin pawhin Coldplay nen ‘The Astronaut’ Argentina-ah an perform ho a, chutihrualin Suga hi BTS member zinga solo tour puitlin nei hmasa ber a ni dawn ta a ni. He rapper hian a hming dang August D leh D-2 angin 2016 leh 2020 khan mixtape pahnih a lo tlangzarh tawh bawk a ni.
BTS Suga’n solo tour nei dawn
