A sipai luh hma lawkin BTS member V chuan advertisement a inlan manah KRW tluklehdingawn 6 vel (US dollar maktaduai 4.62 vel) a dawng niin Newsis chuan an tarlang. V hi coffee brand Compose Coffee chuan an brand kum 10 tlin champha 2024-a lo thleng tur lawmna hmathehah an hmang dawn a ni.
V hian he advertisement atan hian shooting pawh tun thla tir khan a nei tawh niin report a awm a, a advertisement pawh hi a chhuak har tawh dawn lo niin report a awm bawk.
BTS member te hi khawvel huap pawhin an lar tawh bawk a, fakna atana an modelling fee pawh a pung chak khawp mai. 2021 khan brand pakhat tana BTS annual modelling fee chu KRW tluklehdingawn 5 vel (dollar maktaduai 3.84 vel) a ni a, an group hi hemi kumah hian brand 13 tan an inlan a, modelling fee atanga an sum hmuh pawh hi KRW tluklehdingawn 62 (dollar maktaduai 47.7 vel) a tling a ni.
V hi December ni 11 khan sipai-ah a inziak lut tawh a, ani hi Seoul a inkulh, Special Duty Team-ah a tel dawn a ni.
BTS V modeling fee 6B KRW
