Daily Newspaper

Buh leh thlai thar tam turin khua tihhmasawn tum

12

India leh Myanmar ramri depa awm, Champhai district-a Bulfekzawl khua chu buh leh bal tam zawk tharchhuah theihna turin sawrkar chuan enkawla thuamthat a tum.

Champhai district bawrhsap Maria CT Zuali leh line department official-te chuan Zirtawpni khan he khua hi tlawhin, an khua tih hmasawnna tur leh leilet phaizawl tangkai taka an hman theihna tura hmalak theihnate VC, NGO, Water Users Association leh Farming Societies an sawipui.

Bawrhsap chuan Champhai district-ah leilet zawl tha tak tak engemawzat a awm thu sawiin, leilet phai, terrace leh buh leh thlai chinna hmunte humhalha tangkai taka hman a nih theihnan tan lak a tul tih a sawi.

Mipui sum leh pai dinhmun leh khawsak tiziaawm tura tan ho a ngaih thu sawiin, Covid-19 vanga intodelh lohna lo lang chu inzirtharna atana hman a duh thu te; mahni khaw bil eikhawp chauh ngaihtuah loa hmundang thlenga thawnchhuah thama tam thar thei tura taimak chhuah a ngaih thu leh, mithiamte rawn chungin a ram leilung mila hma lak a tul thu te a sawi a ni.

Power & Electricity department hotute chuan buh leh thlai chin theihna ramah te kawlphetha pek vek tum tih sawiin, Champhai Power Circle tana hmalakna turah Bulfekzawl leilet project siamfela thehluh tawh a ni tawh. DRDA Champhai project director chuan ni 100 inhlawhna kaltlangin kumin November thlenga ni 80 thawh a nih tawh thu leh December 7 thawh leh tur a awm thu a sawi a. Bulfekzawl khawchhung cheina tur pawh a tul anga ngaihtuah tum a ni tih a sawi.

Agriculture department hotute sawi danin, leileta siam theih zawl zawng zawngte chu sawrkarin leileta siam vek a duh a, leilet siam mek leh hmabakte chinchhuaka chhuia department-a thehlut turin an chah.

Irrigattion &WRD Champhai chuan Bulfekzawla staff lodge cum site office tuaihnum tum a nih thu leh nizung chakna hmanga kawlphetha hman theihna tur bunfel thuai tum a nih thu te, Bulfekzawl leilet tui kawng siamthatna tur cheng nuai 40 ruahman a nih thu te, Champhai zawlah leihnuai atanga tuilakna tur project pali kalpui a nih thute an sawi.

Bulfekzawl hi Khawbung RD Block huamchhunga awm niin chenna in 80 leh mi cheng 430 vel an awm mek a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy