Bungalow man to
Mumbai chhimlam, Carmichael Road-a bungalow pakhhat chu Aditya Birla Group company hnuaia awm, BGH Properties chuan cheng vaibelchhe 220-in an lei hmak mai!
Acre chanve a lian, he bungalow hi Sunny Ville an ti a, Parsi hmeichhe pakhat, Ernevaz Kharshedji Dubash ta a ni a, ani hi 2013 khan a boral tawh a ni. Times of India-in a tarlan danin he bungalow hralhna hi charity hrang hrangah an chhung lut dawn a, a bik takin rethei zawkte dawmkanna tur leh zirlai harsa zawkten zirna tha zawk an neih theih nana hmalakna lam hawi leh damdawi lama chhawmdawlnan thawh a ni ang.
Ernevaz Dubash-i nu hian public charity trust pakhat, PEROWSHAW DHUNJISHAW BOLTON CHARITIES chu March ni 18, 1960 khan a din a, he charity-a trustees hmasa ber te chu Soonabai Perowshaw Bolton, Ernevaz Kharshedji Dubash leh Mulla and Mulla solicitor Nadirshaw Mulla te an ni.
Ernevaz Dubash hian a thurochhiahah, November ni 5, 2012-a a siamah chuan a thih hnua a duhthusam te rawn tipuiutling a, a ro leh thildang semzai dan tura thuneitu atan mi paruk- Madhusdan Tijoriwala (ani pawh hi a boral tawh), Eddie Palia, Adi Jehangir, Cyrus Nallaseth, Darious Cambatta leh Chetan Shah te a ruak a ni.
Ernevaz hian a thurochhiahah chuan a share leh security-te chu hralh vek a, a pawisa chu Perowshaw Dhunjishaw Bolton Charities-a chhunglut turin a ti a, a furniture zawng zawng bakah a thil hlu hlui nei te, Mughal painting original te leh bungbel hlui hlu tak tak te pawh hralh vek a, an hralhna sum chu Perowshaw Dhunjishaw Bolton Charities a chhung lut vek turin a ti bawk.
2015 khan a private collection chu Mumbai-a Pundole Art Gallery-ah an lilam a, cheng vaibelchhe 18 vel an hmuchhuak thei a, heta an lilam zingah hian Mughal leh Deccani painting, kum zabi 16 leh 18-na lai vela an ziah te leh tlereuh leh crystal chandelier te pawh a tel a, paintings zingah hian VS Gaitonde kutchhuak pawh a te; a ni.
He bungalow, Sunny Ville an hralh tak hi cessed property a nih avangin development control regulation 33(7) hnuaiah sak thar leh theih a ni a, a leitu hian in sak theihna hmun square feet 70,000 a zau a nei dawn a ni.
Bungalow man to
