Daily Newspaper

Bungraw phurtute ah Covid kai hmuhbelh zel

17

State pawn atanga bungrua phurluttu truck khalhtu leh handyman-te zingah Covid-19 kai hmuh belh zel an ni a. Force mi leh tualchhung mi, hri kaiten an kaichhawn nia hriatte zingah pawh hmuh chhuah thar a ni.

August 9 khan Kolasib district huamchhunga tangkhang mek, truck driver leh handyman te Rapid Antigen Test result tihchhuah leh niin, hri kai 15 hmuhbelh a ni. Assam ami 14 leh Rajasthan mi 1 an ni.
August 8 khan truck driver leh handyman-te test endiknaah Covid kai pathum hmuh an lo ni tawh bawk a. Assam ami pahnih leh Meghalaya mi pakhat a ni.

Heti hian Pathianni tlai dar 5 thleng khan truck khalhtu leh handyman bakah an bulhnaia rinhlelh theih tualchhung mi endik hi mi 929 an ni a, hri kai 40 hmuhchhuah tawh an ni.

August 7 chhuna result chhuaka hri kai hmuh 18 leh a zanah pathum; August 8 zingah pathum leh August 9 chhunah 15 nen, an vaiin truck driver leh handyman 39 hri kai hmuhchhuah an ni tawh a. An ni bakah hian bungraw phurluttute atanga kai nia ngaih tualchhung mi naupang pakhat hri kai hmuhchhuah a ni bawk.

August 8-a ZMC laboratory-a RT-PCR khawl hmanga swab sample test 149 zingah Covid kai 25 hmuhchhuah a ni bawk a. Ni hnih chhunga result puan chin zinga hri kai hmuhchhuah hi 43 an ni.

ZMC laboratory-a Covid kai hmuhchhuah tharte hi Aizawl district-a mi 24 leh Lawngtlai district mi 1 an ni a. Aizawl district ami hmuhchhuah zingah hian BSF sipai 17 tel a, an zinga 15 hi Uttar Pradesh atanga lokir niin Andhra Pradesh leh Rajasthan atanga lokir 1 ve ve an awm bawk. quarantine facility-a awm lai vek niin, Covid symptoms nei an awmlo.

Aizawl district-a Covid-19 kai hmuhchhuah thar zingah hian positive contact atanga kai pathum awmin an zinga pakhat hi frontline worker (doctor), sample laa kal thin a ni a; Covid symptoms a neih avangin ZMC-ah admit a lo ni tawh a ni. Positive contact dang pahnih hi Mizoram Police, BSF quarantine lai mekte vengtu an ni.

An ni bak midang pali, Aizawl district-a positive hmuhchhuah tharte hi mipa pahnih leh hmeichhia pahnih niin, an zingah hian hmeichhe naupang kum 5 mi a tel a, pathum hi chhungkua niin Assam atanga lo haw an ni. Tripura atanga lo haw mipa a tel bawk a, an vai hian quarantine facility-a awm lai, Covid-19 symptoms neilo vek an ni.

Lawngtlai district-a hri kai hmuh hi hmeichhe naupang kum 7 mi a ni a, positive contact (a nu) atanga kai nia hriat a ni. Covid symptoms a neih vanga sample lak, positive tih finfiah a ni.

Lunglei Civil Hospital TrueNAT PCR laboratory-ah sample test 26 a awm a, positive sa testnawn pahnih an la positive a, a dang 24 an negative vek thung.

THE AIZAWL POST
~Tualchhung~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy