Site icon The Aizawl Post

Burkina Faso atangin France inla chhuak dawn

France chuan Burkina Faso military leader tena an sipaite an ram atanga lachhuak tawh tura a ngenna chu a remti.
Burkina Faso hi jihadist insurgency hmachhawn mek niin tunah erawh anmahni ngei hmalaknaa jihadist te hneh an tum tawh tiin an sawi a.
Burkina Faso-ah hian French special forces 400 an la awm mek a, thla khat chhungin an chhuahsan dawn a ni.
Nikum khan France chuan Burkina Faso thenawm Mali a Islamist militant te bei tho a sipai kum riat zet a dah tawh te chu a lo lachhuak tawh bawk a.

West Africa-a ram te France-in a awp thin ram te chu tun thlengin military lamah France chuan inzawmna thuk tak a la neihpui reng a. Heng ramah te hian Muslim jihadist te an lian hle reng bawk.

West Africa-ah hian Russia chuan thuk zawka inbarhluh tumin hma a la thin bawk a, Wagner Group te pawh a tirlut tawh thin a. Heng karah hian France chuan a colony hlui thin te hi kawm ngeih leh tumin hma a la ni.

Mali leh Central Africa Republic te chuan France hnaih duh lo thungin Russian mercenary group, Wagner te nen an thawkho thung a.

Burkina Faso pawh France sipai te aiah jihadist te beih nan Wagner Group te nen an thawkho dawn tia sawi a ni a, mahse, Burkina Faso erawh chuan a pha thung a, mahse Wagner te hian Burkina Faso hi tun hnaiah an tlawh ngei tih erawh a chiang thung.

French foreign ministry spokesperson chuan Burkinabe government-in ziakin sipaite chhuak turin a ngen a ni a ti a. “Inremna kan siam te tihlawhtlingin kan chhuahsan ang,” tiin a sawi zui bawk.

Burkina Faso hi helnain kum sawm tam a nuai tawh niin mi maktaduai hnih chuang chenna In chhuahsanin an awm phah tawh a.

Tun hnai lawkah pawh jihadists te chuan hmeichhia 60 lai an rubo leh a, an zinga kahhlum 28 te ruang chu north-western town Nouna-ah hmuh a ni a. Hmeichhe dangte erawh chhuah zalenin an awm tawh a ni.

Capt Ibrahim Traore an nikum September thlaa Burkina Faso a thuenihna a chan hnuah Russian mercenaries te nen an thawkho dawn tihsa tawh niin a thenawm ram Ghana erawh a lawm lo hle.

Capt Traore hian jihadists te ram lak chu chhuhsak vek intiamin July 2024-ah inthlanna huaihawt a ni ang a ti bawk.

Exit mobile version