Burpee chu exercise lak dan hahthlak tak mai a ni a, an ding a, an kuta innem khalhin an bawk a, an ke hnung lamah an ti mar a, chu chu an zuang tho leh thin, chutiang chuan vawi eng emaw zat an ti nawn thin. Chutiang chu darkar 12 chhunga titam thei record thar an siam a, a siamtu chu Nick Christopoulos a ni.
Raleigh kangthelh pawl ami Nick hian darkar 12 chhungin burpee vawi 5,297 a tihman a, chu chu tuna Guinness World Record dinglai, darkar 12 chhunga burpee tihnem aiin a tam zawk a, mahse, a record siam hi official-in Guinness lamin an la pawmpui lo.
Hetianga record siam tura a inpuahchah theihna chhan sawiin, an firehouse-in phone call an dawn apiangin burpee vawi 100 zel ti thin turin an intiam a, “A bul ka tanna niah chuan vawi 1,300 ka ti hman,” a ti.
Nick, kum 30, hi an chhungkua an in-fit hlawm ve hrim hrim te pawh a ni mah na, a unaupa pawh firefighter tho niin, Ultra Marathoner a ni a, a nu pawh minor hockey league player a ni.
Nick hian record hi an fire station-ah ngei siam a duh a, mahse, COVID-19 avangin an tum angin a tih theih ta loh a, a thianpain record siam nan gym a hman tir ta a ni. Record siam tur hian a hmaa hetiang record awm sa chu vawi 600-in a rawn khum ta a ni.
