Bus kang vangin zirlai thahnem takin nunna chan

Thailand khawpui Bangkok-ah zirlai phurtu Bus pakhat kang vangin zirlai 20 chuangin nunna an chan a, hliam na tak tak an awm bawk.
He bus kan chhan hi hriat a ni rih lo a, a kangchhe hneh hle. Bus-ah hian zirlai tam tak chuangin, zirtirtu thenkhat an chuang tel ve bawk a, an health ministry chuan hliam tuarte pawh enkawl tha tak pek nghal vek an nih thu an sawi.
Bus hi zirlaite field trip in an hman a ni a, heta an haw lam hian chhiatna tuar zuiin, a hmunah zirlai 20 in nunna an chan a, hliam na tak tak tuar an awm bawk.
Thailand PM chuan chhiat tawkte a tawrhpui thu sawi nghalin, a minister te chu chhiat tawhna hmun thleng nghal tur leh a tul anga tanpuina pe nghal turin a ti a, tranport minister Suriyahe Juangroongruagkit chu a hmunah a thleng nghal bawk.
Transport minister chuan chhiatna nasa tak a nih thu sawiin, zirlai boralte chu a lainat thu leh, an chhungte tluk zeta a tawrhpui thu a sawi a, hliam tuarte pawh enkawlna tha tawk tak pek nghal vek an nih thu leh, dam leh thuai tura a duhsak thu a sawi.