Thawhlehnia badminton ranking thar tarchhuah mipa singles-ah atar Indian shuttler pahnih HS Prannoy leh Lakshya Sen-te’n hma an sawn ve ve a; Prannoy hi pen khata kaisangin world number nine a luah chho a, Sen hian step hnihin hma a sawn thung a, 11-na a thut.
Badminton World Federation (BWF) world ranking-a Indian singles player langsar pahnihin hma an sawn chhan hi Japan Open Super 750 badminton tourna-ment-a semi-final an thlen vang kha a ni.
Karliamta Tokyo khaw tournament lianah khan Prannoy chuan Denmark player Viktor Axelsen a hneh lo a, Sen pawh last four inkhel dangah Indonesia player Jonatan Christie chuan final lut pha lo zawngin a dangbet ve bawk.
World No 1 hlui Kidambi Srikanth pawh a kang zawngin a invawrh ve leh ta bawk a, ranking thar berah hian 19-na luahin, national champion Mithun Manjunath pawh pen li zeta hmalam panin 50th position a luah.
Double Olympic medallist PV Sindhu chuan a dinhmun ngai luahin 17-na a thut chhunzawm a; mipa double ranking lamah Satwiksairaj Rankireddy leh Chirag Shetty an hum ngai world number 2 position an thawhsan lo.
Indian women’s doubles pair Treesa Jolly leh Gayatri Gopichand pawhin double ranking tharah hian pen hnihin hma an sawn a, 17-na an luah thung.
BWF ranking top 10 luah pha Prannoy
