Football a Mizo naupangte tihmasawntu, football a ti thang liantu pawimawh tak Reliance Foundation Young Champs Naupang League (RFYC Naupang League) 2023-24 season chu ui tak chungin kan thlah liam ta a. RFYC Inter District 2023-24 khelh zawh a ni ta bawk nen football ngaitute khua a har vawng vawng a. Ui tak chungin Bye Bye RFYC Naupang League 2023-24 tih a lo ngai ta!
Naupang rilru thianghlim tak tak ten coach tha tak takte kaihhruaina hnuaiah nuam ti taka football an khel a, mual chhunga an hlim hmel tlukna hmuhnawm nu leh pate tan a tam kher lo ang. Fate khel tawiawm nu leh pate tang taka an au khek rawi rawi thinte khan football a tihlu a, football tan rimawi a ni. Naupang League vangin naupang duhawm tak tak ten football ah thil tam tak an tawng thar a, hma thlir thar an neih phah bawk. Naupang League vang hian football ah chauh hma an sawn a ni mai lova, nun mawi zirna tha tak a ni tel bawk. League buatsaihtute leh coach ten nuamti taka football an khelhtir bakah nun mawi an zirtir tel a. Ei leh in thlengin an ulukpui em em a, chu chu naupangte ten thil pawimawh leh hlu tak a ni.
Under 10 player naupang pakhat hian an coach hnenah, “Sir, Goal 5 ka thun asin,” a ti a. An coach chuan a fak hmasa te te a, “Goal nga i thun a ni lova, team in goal nga kan thun a ni zawk a nia. Mimal infak emaw, inpuhmawh tur emaw kan awm lo va, team kan nihna hi a pawimawh ber chu a ni” a ti dam dap a. Naupang pakhat hian hmawmsawm naupang tana tha lemlo tak hi a lo keng a. Mizote ngaihsan rawn S. Malsawmtluanga-a’n chu naupang chu lo hmuin, a thil ei chu infiammi tana tha lo a nih thu dap thliamin a hrilh a. Fuih pah chungin a paihtir a, naupang khan a ui lo, a vui hek lo. Tin, chutiang hmawmsawm chu a lei nawn loh hmel viau bawk. Sir Mama vek hian kan fapa lu meh uluk vak lo pawh a lo hmu thuai a. Naupang league khelh laia lu meh dan tur a nih loh thute, nau zawkte entawn tlaka awm a tul thu hrilhin, super star nih hunah duh anga meh a pawi lo thute thiam takin a hrilh a. Inkhel zo kan haw kawngah kan met tha nghal a, kan zawm chiang hle. Tin, kan ti nawn tawh lo bawk.
Match a awm laiin league staff ten an vil tha em em a. |awngkam mawi lo hmang leh che mawi lo fal an awm chuan match referee, league staff leh coach ten tinawn tawh lo tura hrilhin, nungchang mawi an zirtir thin. Chu chu naupangte ten zirlai pawimawh tak a tling.
League ena kal thin nu leh pate leh league khel tura kum over tawhte sawi tam leh sawi uar ber chu Tunlai Naupangte hi chu an va vannei tak em! Kan hun lai khan tiang inelna tha hi lo awm ve se aw tih a ni. League staff leh Coach ten DECO (Decentralized Coaching) leh ET (Emerging Talent) training an ngaipawimawh tak zet a, minute khat lek pawh a lo thlawna khawhral an ui. DECO & ET Training a awm reng rengin khelmual hmang ve dang an awm a nih ngawt loh chuan training tan hma darkar khat la awmin engkim an peih lawk diam a. thahnem an ngaih em vangin tan hun ruat lawk aia hmaa training tan changte pawh a awm. Coach inpe tak tak ten thahnem ngai takin naupangte en zirtir a, naupang ten an hlawkpui hle thin. Hetiang taka coach inpe, an hna tuipui mi dang ka la hmu tam lo viau. League buatsaihtute leh coach tha tak takte zarah RYC Naupang League hian Football ah Mizoram hmel a la tidanglam dawrh dawn a. Zirna tha tak tak dawng a, inelna hlu tak hmachhawn naupangte hian football bung thar min la kaipui ngei ang. Hetiang fakaua coach te inpekna hi fak loh theih a ni lo a, hmasawnpui loh atan phei chuan thil uiawm lutuk a ni.
RFYC Naupang League hi a hlawkpui ber kan ni hialin kan ring. Pathian leh he league hlu tak vanga kan hmasawnnate hi sawi lan loh atan kan ui. Lalhruaitluanga Chawngte tih dan takin , “Kan thil hmuh leh hriatte hi sawi lovin kan awm thei tho naa, sawi kan chak ve thin si”. Uan thu leh chapo thu hlaah la lovin, lawmte min lawmpui ve ngei kan ring.
Kan fapa Lalhruaitluanga Hauzel hi kum 8 mi a nih laiin MFA Grassroot Academy ah a kal ve zuai a, course khat bak a kal lo. Kum 9 mi a nih atangin Sete Boxing academy ah a kal tan a, boxer tha ni turin beiseina sang tak kan nei ve nghe nghe. Covid 19 hripui leng vangin Boxing a zir chhunzawm thei lo va, Covid 19 hripui len hnuah thla khat bak boxing a zir chhunzawm tawh lo. Boxing kalsanin foobtall zin kawngah ke a pen ve tan ta a ni.
July ni 26, 2023 atangin Aizawl West Grassroot Academy a zawm an a. Hemi hnu hian RFYC Naupang League khel turin FC Dawrpui Vengthar in an ziak lut. September 2, 2023 ah RYC Naupang League 2023-24 khelh an a ni a. Naupang League an khelh aang hian thuk zawkin football khawvelah a zuang lut a, In a kan titi tui ber pawh football chungchang a ni chho ta bawk.
Coach te hahnem ngaihna leh Naupang League an khelh hlawkpuiin hma a sawn ve hret hret a. Naupang League khelh chhung hian MFA inter District Junior football competition ah Aizawl District U 15 aiawhin a khel a. Naupang league khel zingah Emerging Talent team ah telh a ni ve hlauh a, RFYC Naupang leagu
Coach te hahnem ngaihna leh Naupang League an khelh hlawkpuiin hma a sawn ve hret hret a. Naupang League khelh chhung hian MFA inter District Junior football competition ah Aizawl District U 15 aiawhin a khel a. Naupang league khel zingah Emerging Talent team ah telh a ni ve hlauh a, RYC Naupang league inter district khel turin thlan ni ve hlauh bawkin, a khelhpuite zarah an champion ta hial bawk. Chumai pawh a ni lo, Reliance Academy, Mumbai a awm tur zawnna Regional Trial hmachhawn turin koh a ni a. Mizoram aanga tling paruk zingah vanneihthlak takin a tel ve leh ta zel a. Regional trial ah Mizoram aanga goalkeeper tling hmasa ber a ni hial nghe nghe. Hengte hi keini tih theih a ni lo tih kan hria. Pathian hi a ha a ni. Football ah thla 10 chhung leka kan thil tawn zozaite hi kan chhut let a Kan tan Lalpa a tha a ni tih mai loh chu sawi tur dang kan hre lo.
Aizawl District aiawha khelhte hi kan suangtuah phak ngai lova, champion meuh phei chu mang lamah pawh kan mang chhin ngai lo. Pathian hatna zarah kan tawn phak ngai loh tura kan ngaih tan tawng ve ta fo. Hengte hi RYC Naupang League leh coach ha tak takte zar a ni. An chungah kan lawm nawn fo ang.
Football a hma min sawntir tu, nun ha nei tura zirlai ha tak min petu Bye Bye, RYC Naupang League 2023-24. Welcome RYC Naupang League 2024-25
Reliance Foundation Young Champs Naupang League Mizo naupangte tan, Mizoram tan vul zel rawh se!
By – Hmaa Hauzel.
Bye Bye RFYC Naupang League 2023-24
