Union Minister of State for Home Ajay Mishra chuan Citizenship (Amendment) Act or CAA final draft chu nakum March 30 ah peihfel hman a ni ang a ti.
Uttar Pradesh BJP MP chuan Thakurnagar a Matua community te punkhawmnaa thusawina a neihah Bangladesh a sakhaw thila tihduhdahna tlansantu Matuas te citizenship rights chu tute mahin an chhuhsak thei lo a ti bawk a.
“CAA kalpui duhna boruak tun hnaiah a lian hle a, chinfel ngai te chinfel a ni tawh a. Matuas te citizenship rights tute mahin an chhuhsak thei lo. Nakum march thlaah chuan CAA final draft chu peihfela kalpui a ni tawh ang” tiin a sawi.
CAA hi December 31, 2014 hmalama Afghanistan, Bangladesh leh Pakistan a\anga India ram lut Hindus, Sikhs, Buddhists, Jains, Paris leh Christian te khua leh tui nihna pek theihna tur a ni.
Hei hi chhang letin TMC Rajya Sabha MP Santanu Sen chuan, “BJP te hian inthlan dawnah chauh Matuas leh CAA an hrechhuak \hin. Saffron party hian West Bengal-ah CAA an kalpui ngai lovang. Matuas leh midang te tan pawh BJP te thutiam dawt hi a chiang tawh a ni. Nakum inthlanah safforn party te hi paihthlakin an awm ang” tiin a sawi bawk.
CAA final draft nakum March 30 ah
