CADC-ah CEM paihthla
Chakma Autonomous District Council thlasik thutkhawm ni hmasa ber Nilainia neihah chief executive member Rasik Mohan Chakma rintawk lohna motion hmanga paihthlak a ni.
CADC thutkhawm hi vawiin khan tanin, CEM rintawk lohna motion hi eptu member Doymoy Daveng Chakma chuan a pulut a, a thlawp zawngin member 9-in vote an thlak a, member 8-in an dodal thung. Vote thlaktu zingah hian vote tla zat a inzah thulha vote thlak ve chauh thin chairman pawh a tel. Session-ah hian member pahnih – Nirupam Chakma leh Sanjib Chakma te an hna thil avanga hmundanga an awm avangin an tel lo a ni.
CADC 11-naah hian a tum khatna hruaitu inthlakthleng a ni a. CADC-ah hian elected member 20 awmin, MNF member 14, ZPM 5 leh BJP 1 an awm mek. CEM paihthlak tura motion thlawptu zingah hian MNF member pawh a tel a ni.
CADC-ah CEM paihthla
