11th Chakma Autonomous District Council (CADC) Inthlanpui neih zawh taka Borapansury MDC bial atanga thlantlin, Rasik Mohan Chakma chu Mizoram larsap aiawhin Lawngtlai additional DC Abraham Beirazi Khithie chuan chief executive member (CEM) atan rinawmna thu tiamtirin Ningani khan Chawngte ah a lalut.
CEM thar lakluh inkhawm hi CADC-a executive secretary Pronit Bikash Chakma chuan kaihruaiin, CADC dan bu tlawh chhana CEM atana Rasik Mohan Chakma ruatna sawrkar hriattirna, 2023 May 22-a tihchhuah chu a chhiar a. Hemi hnu hian Lawngtlai addl DC hian CEM hi a lalut a. CEM thar hian thu a sawi a ni.
CADC Inthlanpui 2023 neih zawh takah MDC bial 20 awm zingah MNF party chuan seat 10 la in, a hnua party dang atanga lut nen MDC 15 a nei a. MNF Legislature Party dina sawrkarna siamin, May 23 khan CADC-a MDC tharte lakluhna hi buatsaih a lo ni tawh a. Tunah CEM lakluhna hun buatsaih a ni ve leh a ni.
CADC CEM atan RM Chakma lalut
![](https://theaizawlpost.org/wp-content/uploads/tap_logo-min-large.jpg)