Nizan Premier League game result tarlan hman loha Crystal Palace leh Manchester United inkhelh tum khan referee Jarred Gillett chuan video camera a paipawn a, he camera-in a lak (footage) erawh mipuiin live-a en an theih tura pekchhuah a ni lo thung.
Premier League season kal laiah match official-te sawiselna a nasa a, an tih dik loh langsar fu fu hmuh tur a awm fo a, he mi tiziaawm tur hian referee-te chu head-mounted device an tih mai, a awlsam zawnga ‘RefCam’ an tih hmanga thuam an ni zui dawn ta a ni.
Kumin February thla khan Bundesliga match pakhata Eintracht Frankfurt leh Wolfsburg sihnih ve ve thuna an inhnehtawk tumin referee Daniel Schlager pawhin inkhel a ham laiin camera leh microphone a lo pailut tawh a ni.
Nikum khan Premier League referee Rob Jones pawhin Philadelphia khuaa 2023 Summer Series match an tiha Chelsea leh Brighton inhmachhawn tumin khelmualah camera a luhpui tawh bawk.
Nikum vek khan Football Association chuan adult grassroots football an tih lamah ‘bodycams’ an lo enchhin tawh a, hei hi he level-a official-te dik lo taka sawisel leh tihbuai a tlemna atana kalpui an ni.
Camera nena inthuam Premier League referee
