Daily Newspaper

Camila Cabello ‘Havana’ billion view club-ah a tel ve ta


Camila Cabello music video ‘Havana’ featuring Young Thug chuan YouTube-ah vawi tluklehdingawn en a hlawh ve ta a, Cabello solo music video zingah hetiang zat en hlawh tling thei hmasa ber a ni.

He music video hi October 2017-a a tlangzarh kha niin, a hla pawh hi January 2018-ah Billboard Hot 100 (singles) chart No.1 a kai a, Cabello tan he chart-a a No.1 kai vawikhatna a ni bawk.

Cabello tan a solo music video YouTube-a vawi tluklehdingawn en hlawh thei hmasa ber a ni nain, YouTube Billion View club-ah hian a mikhual tawh bik lo a, a gril group tel thinna Fifth Harmony music video ‘Worth It’ leh ”Work Fron Home” te chu August thla kalta khan billion view club-ah hian an lo inhlang kai ve tawh a, ‘Worth It’ hi 2015-a an tihchhuah niin, ‘Work From Home’ hi 2016-a an tihchhuah a ni ve thung.

Hei bakah hian a tawih hlui ni ta, Shawn Mendes nena an zai dunna ‘Senorita’ music video pawhin 2019 khan YouTube-ah vawi tluklehdingawn en a lo hlawh tawh bawk a, tihian YouTube-a vawi tluklehdingawn en hlawh thei music video pali a nei tling ta a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy