Canada chuan US leh European union te zulzuiin China siam electric vehicles (V) chawkluhah chhiah 100% a lak tur thu a puang a. Chu mai bakah Chinese steel and aluminium chawkluhah chhiah 25% lak tur a ti bawk.
Canada leh Western allies te chuan China chu a EV industry subsidise vakah puhin chu chuan car makers te chu advantage nasa tak pe ah an puh a ni.
China chuan Canada thutlukna chu ‘trade protectionism’ tia sawiin ‘World Trade Organisation rules’ bawhchhiatna tiin a sawi bawk.
“Canada automative sector ten vehicles \ha an siam theiha global leader an nih theih nan hma kan la a. Mahse, China te ang chuan global market ah unfair advantage an nei a ni” tiin Canadian Prime Minister Justin Trudeau chuan a sawi.
Canada in Chinese EVs te a duties a lak tur hi 1 October a\anga hman \an tur niin steel leh aluminium erawh 15 October a\anga hman \an a ni thung ang.
“China electric vehicle industry hmasawnna chak tak hi technological innovation, industrial leh supply chain \ha leh market competition \ha vang a ni” tiin Canada a China embassy thuchhuah chuan a sawi thung a.
“A competitiveness chu government subsidy vang ni lovin market priciple zawma comperative advantage a neih vang zawk a ni” tiin a sawi bawk. China hi US tihloha Canada sumdawnpui lian ber a ni.
May thla khan US chuan Chinese EVs te a chhiah lak chu a let thuma tipungin 100% ah a kai a. A hnu lawkah EU pawhin China siam EVs te ah chhiah 36.6% lak tur a ti ve leh zui a ni. Canada in Chinese EVs a chhiah lakah hian Tesla tena Shanghai factory a car an siam te pawh a huam tel dawn a ni.
“Tesla te chuan Canadian sorkar nen lobby an neih theih ngei nan hma a la ang a, a hmain Europe nen pawh inrhiatthiamna an lo siam tawh a ni” tiin Mark Rainford, China a inbun car industry commentator chuan a sawi.
Canada in China EV ah 100% tariff
