Daily Newspaper

Canadian hmeichhe naupangin hula hoop tivir chunga Rubik’s cube remdik record a siam

9

Canadian hmeichhe naupang Sankavi Rathan, kum 11, Ontario a cheng chuan hula hoop a kawng bawra tivir chungin a kut khingkhat chauhin darkar khat pawh tling loah Rubik’s cube 30 a rem dik thei a, Guinness World Records a siam.

A hmaa hetiang record chu darkar khat a hula hoop tivir chunga Rubik’s cube 25 remdik thei a ni a, he record hi Sankavi hian a rawn khûm ta a ni.

Hula hoop chu thil bial kawng bawr tichea an tivir thin a ni a, Sankavi hian a hula hoop chu tivir char char chungin a kut khingkhat chauh hmangin Rubik’s cube hi a remdik zel a, a remdik hi lo lak sak a, rem leh tur Rubik’s cube lo pe zeltu an awm bawk.

A naupan tet zual lai atanga hula hoop lo tuipui tawh a ni a, mahse, Rubik’s cube hi chu tunhnai deuh lawk atanga tuipui thar a ni ve thung. Sankavi chuan, “Thil thar tih tur ka ngaihtuah a, hula hoop chunga Rubik’s cube remdik hi ka tum ta a ni,” a ti.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy