Khawvela cancer tamna ber pawla sawi rama cheng kan ni a, cancer lah chu zawi muangin a inmung a, a symptoms-te lah chu ngaihthah mai mai a awl khawp lehnghal.
Cancer chu kum upa lam te chauhin an neih tura ngaihna te kan nei a, cancer nei thei chhungkua deuh bik awm ten kan hre thin. Mahse, chutiang a ni lo, Artemis Health Institute, Gurgaon-a Head Medical Oncology, Dr Bhawna Sirohi chuan, cancer warning signs, kan ngaihthah miah loh tur te a sawi e.
1. Chhan hriat loha rihna tlahniam thut, chaw ei tui lo leh chau ngawih ngawih. I chaw ei a pangngai reng laia a chhan hriat loha i rihna a tlahniam thut emaw taksa lama harsatna nei si lova kar hnih thum vel i chaw ei a tui lo thut emaw a nih chuan doctor rawn tur a ni. Hna hahthlak i thawh vang pawh ni silova chau leh zawi ngawih ngawih a kar 2-3 vel i awm a nih pawhin doctor rawn tur a ni.
2. Ka chhung ulcer dam hlei thei lo, kar thum aia rei i neih chuan doctor rawn tur a ni
3. Thil sakhat leh tuiril pawh lem harsa i ti a, i helh awl awl thin a, a zual telh telh niawma a lan chuan doctor rawn tur a ni. Fungal infection vang mai mai pawh a ni thei a, cancer intan tir pawh a ni thei.
3. |hal (node) vung, a bikin nghawng leh zakhnuaiah te i nei em, a nih loh pawhin i taksa hmun dangah bawk a awm em. I taksaa bawk awm chu a awm chu doctor hnenah a awm rei tawh dan te, a than leh than loh te, a nat leh nat loh te hrilh thei turin chhinchhiah ang che. Cancer vanga bawk hi chu a tlangpui thuin a na lo (na lo chu a ni vek chuang lo). Taksa-ah bawk a awm fo a, a tam zawk chu cancer vanga awm a ni kher chuang lo.
4. Hnute-ah bawk a awm emaw, hnute hmur atangin thil chhuak a awm em? Hmeichhia ten mahni hnute enfiah dan chu thiam ngei tur a ni. A hmaa awm ngai lo bawk a awm emaw, hnute hmur atanga thil chhuak a awm chuan doctir rawn tur a ni.
5. Khuh dam thei lo i nei em. I khuh vak vak a, thawchham lek lek te pawhin i awm fo em. hetiang hi infection leh inflammation vanga awm te pawh a ni thei a, thenkhatah chuan chuap cancer vang pawh a ni ve thei. Kar hnih chhung i khuh a, i thaw a hah a nih chuan doctor rawn la, i khak-ah thisen a tel leh tel loh enfiah bawk ang che.
6. I ek dan a mumal lo thut em, i pum (abdomen)-ah na a awm a,i mawng a thi emaw, i ek-a thisen a tel emaw a nih chuan bowel cancer symptoms a ni thei. Bowel cancer symptoms langsar tak pakhat chu ek-a thisen tel leh abdominal pain te a ni. A tlangpui thuin thisen chu a senduk a ni thin a, a senlar te pawh a ni ve thei tho.. Thisen tharlam hmel tak, a sen lar tak a nih chuan pile (haemorrhoids) vang a ni duh tlangpui. I ek dana danglam chu i hre ngei ang a, i e kham hlim pawh ek chhuak tun angin i la hre fo em?
7. Chhan hriat loh vanga thi chhuak, ek zawnga thichhuak chu piles vang a ni tlangpui a, mahse, bowel cancer vang pawh a ni thei. Womd leh cervix cancer vangin hmeichhe serh atangin an thlatin hunbi ni loah leh mipat hmeichhiatna hman zawhin thi a chhuak thei bawk. Hmeichhe menopause tawh, thi nei leh chuan rang taka doctor rawn nghal tur a ni. Zun a thisen tel pawh phing emaw kal cancer vang a ni thei a, infection vang pawh a ni thei. I zunah thi a tel a nih chuan doctor rawn ngei tur a ni.
8. Khuavang chhinchhiah thang thei i nei em, melanomas/ skin cancer a ni thei. Melanomas chu 7mm diameter aiin a lian tlangpui, rawng uk, a dum, a sen leh a var bakah a pawl deuh te pawh a ni thei. I vunah eng emaw chhinchhiahna ang deuh, tunhmaa awm ngai lo a rawn awm thar, kar 2-3 vel a reh loh emaw, i khuavang chinchhiah nei sa pawh a chunga kan sawi anga a awm emaw a nih chuan doctor rawn thuai tur a ni.