Mamit district-a constituency pahnih – Dampa leh Mamita general observer Sudhansu Mohan Samal hoin he district-a bial pathum – Hachhek, Dampa leh Mamit Assembly biala MLA inthlan tura candidate leh an aiawhte chu Thawhlehni khan a thutkhawm pui.
General observer chuan inthlan muanawm, thinghlim leh felfai a awm theih nan theihtawp chhuah a, Election Commission of India-in model code of conduct huamchhunga tih tur leh tih loh tur a tihte chhiarchiang a, ECI kaihhruaina ngaipawimawh turin a chah. Election official-te thu leh hla ngaichang a, an hriatloh hriatchian an duhte inthlahrung loa zawt turin a ngen a. MLA inthlanpuiah ethical voting kan neih theih nana therhloa midang thlem leh sum sem, thildang dang semte ECI-in a awihloh avangin ti lo turin a ngen. Dan bawhchhetute chungah DEO pawhin hma la a, chak taka bawhzui ngaite bawhzui turin a chah bawk.
Thawhlehni vek khan general observer hian Hachhek, Dampa leh Mamit biala sector officer-te a thukhawm pui bawk a. Mamit district-a inthlanpui atana sector officer 16-te chu an tih tur chiang taka hria a, uluk leh felfai taka an mawhphurhna hlenchhuak turin a chah. An bial chan hrechiang a, vote thlak ni ah harsatna leh rokhawlhna a awmloh nan an travel route map siam turin a chah a ni.
Candidate leh sector officer kawm
