Daily Newspaper

Carabao Cup – Liverpool an chak chiang

9

Premier League champion Liverpool chuan ninga zan khan Carabao Cup third round khel in, League Two team Lincoln City an hmachhawn a, si sarih fai ngawtin an sawp. Fourth round-ah khingpui hautak tak an nei zui leh dawn a, Arsenal an hmachhawn a ngai dawn. Inkhel dangah champion lai Manchester City chuan 2-1 in Bournemouth an hneh ve bawk.

EPL champion Liverpool hian khualmualah League two team an hmachhawn a, nuamsa taka chek thei tura ngaih sa an ni. Rinlawk ang ngeiin an khel tha a, chawlhlawk hmain goal li ngawt an thun. Minute 9-na lekah Xherdan Shaqiri chuan hmahruaina goal a thun. Minute kaw hnuah Takumi Minamino chuan goal thun belh leh in, Jones chuan minute 32 leh 36-ahte goal a thun zawn a, si li faia hmahruai chungin chawlhlawk an hmang.

Chawlhlawk hnu lamah pawh Reds in an khel tha zui zel, minute 46-na lekah Minamino chuan an goal ngana a thun a, minute 65-naah Grujic chuan an goal rukna thunin Divock Orogi chuan minute 89-naah goal thunin a tawp a khar a, si sarih fai ngawta hnehna changin fourth round an inhlangkai ta a ni.

Liverpool hian fourth round-ah Arsenal an hmachhawn zui leh dawn a, an tan khingpui hautak tak a ni ngei dawn. Gunners hi tunhnaiah vawihnih an hneh lo zawn a, Community Shield-ah an hneh lovin, trophy an hlawhchhuak zo lo a nih kha. Arsenal hi EPL-ah pawh an hmachhawn dawn bawk a, thawhtan zan khian Anfield-ah an mikhual dawn a, inkhel hmuhnawm tak a nih ngei a rinawm.

Ninga zana EFL Cup inkhel dangah champion lai Man-chester City chuan Etihad Stadium-ah EPL atanga tlahniam AFC Bournmouth an mikhual a, 2-1 in an hneh thei hram.

City tan hian Minute 18-naah Del-ap chuan hmah-ruaina goal a thun a, mikhual tan minute 22-naah Deniel Stur-ridge chuan goal thunin an si phurh a sut. Hun rei tak an inhnehtawk hnuin minute 75-naah Phil Foden chuan an chakna goal a thun a, fourth round an inhlangkai ta a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy