Daily Newspaper

Cardi B-i’n Offset then a duhna chhan a puang

33

Kar liamta khan Cardi B chuan a pasal Migos member Offset nena inthen dilna court-ah a theh lut thut mai a, a hla thuah a insumkar ngai vak lo ang bawkin a pasal then tum pawhin zêp a nei leh vak lo, Instagram Live-ah a sawi leh ta teuh mai.

Cardi B chuan, “Lawmthu hrilh che u ka duh khawp mai. Mahse, a ngai ka ti leh lo,” tiin Instagram-a a follower maktaduai chuang te tan a chhawp chhuak a, “Ka tha e. Ka mittui far khat pawh a far lo tih lo hre turin ka duh che u a ni,” tiin Offset nen an inthen tur chu a tawrh nat loh thu a sawi.

Cardi, kum 27, chuan, “Tun tum chu ka tap lo. A chhan in hre duh em? Kan inthenna chhan chu tunhmaa kan lo tawn tawh ang thil vang a ni lo. In rinawm loh san tih lampang a ni lo…,” tiin, thenkhatin Offset-a’n midang laka fa a nei tih leh ngaihzawng a neih vanga inthen tur niawma an sawi chu chutianga nih loh thu sawiin, “Khang kha dawt vek a ni,” a ti.

Cardi chuan inthen a duhna chhan sawiin, “Inhnial reng hi ka kham tawh a ni mai. Thil reng reng hi a khamawm tawh. Inrinawm loh san hnuah thil hi a ngai ang a ni tawh lo (a hmain Offset hian a lo rinawm loh san zauh tawh a). Thil danglam tak a thleng pawh a ni lo. A chang chuan kan lo inhlat telh telh thin a ni. He pa nen hian kum li kan awm dun tawh. Ani nen hian fa pawh kan nei,” a ti bawk.

Cardi chuan hnam a ngai lo tih sawiin, “Min hmangaih a, min lainattu zawng zawng chungah lawmthu ka sawi. Ka tha e. Ka tha lutuk. Ka lungngai lo. Hrehawm pawh ka ti lo. Nat pawh ka na lo,” a ti bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy