Daily Newspaper

Cardi B leh Megan Thee Stallion ‘WAP’ a la Hot ber

32

Cardi B ‘WAP’ featuring Megan Thee Stallion chu Billboard Hot 100 (singles) chart-ah a No.1 leh a, tihian kar hnih chhung a zawnin a No.1 ta. He hla hi kar kalta chart-ah khan kar khat chhunga stream nasat ber record siamin chart No.1-ah a debut a nih kha.

Billboard Hot 100 (singles) chart hi kar khat (Zirtawpni – Ningani) chhunga US-a hla lar dan tehna hrang hrang atanga teha ranking siam thin a ni a, all-genre US streaming, radio airplay leh sales data te chu tehna pawimawh a ni.

Drake ‘Laugh Now Cry Later’ featuring Lil Durk chu No.2-ah a debut a, Drake tan Hot 100 chart top 10-a lang thei hla 41 a neihna niin, Billboard Hot 100 chart kum 62 chhunga top 10-a lang thei hla ngah ber niin, amah hnaih bertu chu Madonna niin, ani hian top 10-a hla 38 a nei a, Beatles pathumna niin top 10 lang thei hla 34 an nei ve thung.

Hei bakah hian Drake tan Hot 100 chart-a lang pha hla 225 a neihna leh Hot 100 top 40-a lang pha hla 114 a neihna a ni a, record a siam ve ve bawk. Lil Durk tan erawh Hot 100 chart top 10-a a lan vawi khatna a ni ve thung.

He chart-a kar sarih No.1 thei DaBaby ‘Rockstar’ featuring Roddy Ricch chu No.2 atangin No.3-ah a tawlh a, chart No.1 hlui The Weeknd ‘Blinding Lights’ chu No.3 atangin No.4-ah a tawlh a, Jack Harlow ‘Whats Poppin’ featuring DaBaby, Tory Lanez leh Lil Wayne chu No.4 atangin No.5-ah a tawlh ve thung.

Morgan Wallen ‘7 Summers’ chu No.6 a kai thar a, chart top 10-a a lan vawi khatna a ni a, chart No.1 hlui Harry Styles ‘Watermelon Sugar’ chu No.5 atangin No.6-ah a tawlh a, SAINt JHN ‘Roses’ chu No.6 atangin No.8-ah tawlhin, Jawsh 685 leh Jason Derulo ‘Savage Love (Laxed – Siren Beat)’ chu No.7 atangin No.9-ah a tawlh ve ta bawk.

Top 10 khartu chu 2018 American Idol pathumna Gabby Barrett ‘I Hope’ niin, No.11 atangin No.10 a kai thar a, he chart top 10-a a lan vawi khatna a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy