Daily Newspaper

Cardi B ‘WAP’ a la Hot ber

30

Cardi B ‘WAP’ featuring Meghan Thee Stallion chu tunkar Billboard Hot 100 (singles) chart-ah a No.1 leh a, hetihrual hian The Weeknd pawhin chart top 5 record a siam thar ve ta bawk.

Billboard Hot 100 chart hi kar khat (Zirtawpni – Ningani) chhunga US-a hla lar dan atanga chart ranking siam thin a ni a, kar khat chhunga US-a hla hralh tam dan bakah streaming leh radio airplay te chu chart ranking siam nana tehna pawimawh a ni.

Cardi B ‘WAP’ featuring Meghan Thee Stallion hi kar li chhung he chhart-a a No.1-na a ni ta a, Cardi B tan chart-a a No.1 rei ber tum niin, chart ranking siam nana tehna pawimawh hrang hrangah a la che tha riau a, karleh chart-ah pawh a la No.1 leh thei maiin a rinawm.

Chart No.1 hlui BTS ‘Dynamite’ chu No.2-ah bawk awm lehin, Drake ‘Laugh Now Cry Later’ featuring Lil Durk pawh No.3-ah bawk a la awm a, chart No.1 hlui DaBaby ‘Rockstar’ featuring Roddy Ricch pawh No.4-ah bawk a la awm.

Chart No.1 hlui The Weeknd ‘Blinding Lights’ chu No.5-ah bawk la awmin, tihian a zawnin kar 28 chhung chart top 5-ah a lang ta a, he chart top 5-a a lang rei ber record a siam ta a ni. Kar kalta khan Ed Sheeran ‘Shape Of You’ leh The Chainsmokers ‘Closer’ featuring Halsey te record nih rualin, kar 27 chhung top 5-ah a lang a, tunkarah chart top 5-ah a la lan phak leh avangin Ed Sheeran leh The Chainsmokers hi lehpelin, chart record thar a siam ta a ni.

24kGoldn ‘Mood’ featuring iann dior pawh No.6-ah bawk awm lehin, chart No.1 hlui Harry Styles ‘Watermelon Sugar’ chu No.7-ah bawk a la awm a, tihian chart top 7 chin chu kar kalta nen a la danglam lo.

Jawsh 685 leh Jason Derulo ;Savage Love (Laxed – Siren Beat)’ chu No.9 atangin No.8-ah a insanw thar leh a, Lewis Capaldi ‘Before You Go’ pawh No.11 atangin No.9 a kai thar leh a, Jack Harlow ‘Whats Poppin’ featuring DaBaby, Tory Lanez leh Lil Wayne chu top 10 khartu niin, No.8 atangin No.10-ah a tawlh ve ta bawk.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy