Case chhui chungchangah Mizoram pakhatna

Fingerprint science hmanga hnuchhui chungchangah Mizoramin Best Case Award a dawng a, lawmman hian tangkapui leh sum fai a keng.
November ni 6 leh ni 7 khan New Delhi-ah 24th All India Conference of Directors of Finger Print Bureaux neih a ni a, he conference-ah hian hnuchhuina leh pawikhawihtu hremna case hrang hranga a ti\hate’n lawmman an dawng a ni.
Presentation pe tura thlanchhuah state 10 zingah Mizoram FSL an tel a, Mizoram hian Lunglei PS Case No. 77/2021 U/S 302 IPC hmanga presentation hi pein, conference ni khatnaah presentation hi pek a ni. A ni hnihnaah result puan a ni a, Mizoram chu Best Case Award pek a ni.
Mizoram FSL hi India rama paperless-a examination report pe chhuak hmasa ber a ni a, tun dinhmunah hian Forensic Expert 15 awmin division 8 a awm. Anni hian Mizoram chhunga pawikhawhna thleng chu khawi district pawh ni se an hma thei a, state dang a\ang pawhin case hi an dawng \hin bawk.