School Education department-in zirtirtu indaih lohna phuhruk tura casual teacher a lak tharte chu zirna in nasa takin hma a sawn phah ngei an beisei tih ZPM party chuan an sawi.
ZPM Gen. Hqrs. thuchhuak chuan, School Education department-in Mizoram hmun hrang hranga zirtirtu indaih lohna hriaa casual teacher thahnem tak a la thar chu lawmawm a tih thu sawiin, kan ramin zirn ah nasa taka hma a sawn ngei an beiseia, a changtu minister Dr Vanlalthlana leh department-a thawktute hmalakna an chhuang hle tih a sawi.
Mizoram chu India ram pum ngaihtuahin literacy rate-a kan san viau thin rualin, quality education chawisan lamah nasa zawka tan kan lak a ngai hle tih a sawi a. Teaching method, curriculum leh syllabus thleng pawhin sawrkar tharin a tul dan ang zelin ennawn fo se an duh hle tih a sawi bawk.
Education minister hmalaknaa casual teacher thahnem tak dik tak leh uluk taka lak an ni chu lawmawm a tih thu ZPM chuan sawiin, high school, middle school leh primary school-a casual teacher lak thar zawng zawng an lawmpuiin, Mizoram zirna in bung thar a kai ngei theihna’n thahnemngai tak thawk turin an beisei tih a sawi a ni.
Casual teacher-te lakah beisei nei
