Central Bureau of Investigation (CBI) te chuan bank fraud case neia kum 20 chuang bibo tawh leh court-in thitawha a puan V. Chalapathi Rao chu an man.
CBI te chuan Chalapathi Rao chuan a identity thlak kual rengin a awmna a thlak reng avanga man mai theih lohin a awm an ti a.
May 2002 khan CBI te chuan SBI Chandulal Biradari Branch, Hyderabad ah bank computer operator a a tanlaiin Rs 50 lakhs electronic shop quoatation siamchawp leh fake salary certificate hmangin a lak chhuah avangin thubuai an siamsak a.
CBI te chuan December 31, 2004 ah chargesheet pahnih an siam hnuah kum 2004 atang khan a chin hriat lohin a awm ta a ni.
A nupui fraud case a accused ni tho bawk chuan city police-ah complaint thehlutin chu mai bakah a pasal chu kum sarih a chin hriat lohin a awm tawh tiin Civil Court-ah thi tawh anga puang turin a ti a. Hyderabad civil court chuan order a tichhuak zui a ni.
Chalapathi Rao chuan a awmna a thlak zur zut a, a tawpah Tamil Nadu-a thingtlang khuaah man a ni ta a ni. CBI te chuan kum 2007 khan Salem-ah M. Vineet Kumar intiin nupui a nei a, Aadhaar number pawh a nei an ti a.
Kum 2014-ah Salem chhuahsanin Bhopal ah loan recovery agent angin a thawk a, chumi hnuah Rudrapur, Uttarakhand-ah school-ah a thawk leh bawk. Kum 2016-ah Ashram, Verul village, Aurangbad-ah a kal leh a.
Hetah hian a hming Swamy Vidhitatmanand Teertha intiin Aadaar card a nei leh bawk a. December 2021 khan Ashram chhuahsanin Ashram sum Rs 70 lakh vel a lachhuak leh tia sawi a ni bawk.
Chumi hnuah Bharatpur (Rajasthan) ah Vidhitatmanand Teertha intiin a kal leh a, Bharatpur atangin Tirunelveli-aha insawn leh a. Heta a awm chhung hian a contact number tum 10 thlak hmanin Sri Lanka-ah lawnga kal a tum laiin man a ni ta a ni.
CBI ten thi tawha puan misual man
