Daily Newspaper

CCC 33 awm, a bak ngaihtuah leh

10

Mizoramah Covid-19 natna vei enkawlna tur Covid Care Centre (CCC) 33 a awm a, a bak ngaihtuah belh mek a ni.

Zirtawpni khan CCC chungchang ngaihtuahin health minister hovin mi pawimawhte an thu a, medical operational team on Covid-19 leader Dr ZR Thiamsanga te, chief secretary Lalnunmawia Chuaungo te, UD&PA, Health Secretary, Home Secretary, E-in-C PWD, PHED leh P&E, AMC Commissioner. Mizoram Pollution Control Board hotute leh Health & Family Welfare Department hotute an tel.

He hunah hian Mizoramah CCC 33 a awm mek thu leh mi 1527 lenna a nih thu an sawi a, a dang ngaihtuah belh ni se tiin an rel. CCC atana hman theih tur hmun remchangte enfiah an rel a, sorkar in an chhinchhiah lawkte chu official-te leh in awmna hmun task force te nen enho ni se an ti.

Kohhran leh YMA te’n hmun thenkhatah an hmunhma hman an remti a, chung te chu a neitu kohhran leh YMA te nena enho an rel bawk.

“CCC chu daktawr leh nurse te’n an awmchilh reng thin avangin leh sorkarin inkaihhruaina mumal tak a duan avangin mipuite tan ngaihthat lohna tur a awm loh thu tarlan a ni a. CCC atana ruatfel tawh, a hmunhma chei that la ngaite pawh rang taka tihfel zung zung a nih theih nan ruahmanna siam a ni bawk. Heng bakah hian Quarantine Centre atana hman mek thenkhatte CCC atana thlak dan tur pawh sawiho a ni, sorkar thuchhuah chuan a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy