Celine Dion chu Las Vegas-a hockey game enin mipui zingah a inlan a, tun kum thum chhunga mipui zinga a inlan lehna hmasa ber a ni. Dion hian an khaw team Montreal Canadiens tan turin inkhel hi T-Mobile Arena-ah a en a, a fate pathum- Rene-Charles, kum 22 leh a fa phir Eddy leh Nelson, kum 13, te nen an enho a ni.
Celine Dion, kum 57, hian Stiff-Person Syndrome a neih avangin a tawmim char char a, a dinhmun a tha vak lo ni a sawi chang te pawh a awm thin, mahse, tun tum Montreal Canadiens leh Las Vegas Golden Knights inkhel a ennaah a taksa hriselna a that hmelin amah pawh a hlim hmel viau a, fans lam pawhin an lawm hle a ni.
Celine Dion natna, Stiff-Person Syndrome hi natna vang tak niin, tihrawl lam natna a ni a, control theih loh khawpin na tak takin tihrawl a inpawt kual vel thin a, hetiang natna hi mi maktaduai khatah pakhatin an nei anga chhut a ni.
Celine Dion mipui zingah inlan
