November 7-a vote thlak tur Mizoram inthlanpui atan BJP official candidate-te tan campaign-in central minister leh central BJP hruaitute an rawn kal belh zel.
Nilaini khan Union Defence minister Rajnath Singh leh Union Minister of Ports, Shipping & Waterways, AYUSH Sarbananda Sonowal te chuan a rualin Mizoram an rawn lut a. Lengpui Airport ah BJP Mizoram hruaituten an lo hmuak a ni.
Lengpui atang hian helicopter-in Rajnath Singh hian Tuipang a pan a, vantlang inkhawma thu a sawi hnu ah Mamit pan lehin vantlang inkhawmah thu a sawi leh a ni. Sarbananda Sonowal hian Thorang bial lamah hun a hmang thung a, tlaiah Mizoram an chhuahsan lehnghal ve ve a ni.
Lengpui Airport-a an lo hmuahnaah BJP Mizoram State thupuangtu F. Lalremsangi chuan Mizo hmeichhia, ram pawn, a bikin Arab rama mi ina thawk tura thawnluh, harsatna tawkte India sawrkarin an haw leh na tura ruahmanna a siampui avangin Union minister Rajnath Singh hnenah hian lawmthu a lo hrilh a. Heng harsatna tawkte an chhanchhuah dan leh tun dinhmuna chhawmdawlna an mamawh dan te lo thlenin, Mizo hmeichhia rampawna hna thawk duhte himna nena kal tir theihna kawng ngaihtuahpui a, ram danga hna thawk duh te tan India sawrkar leh ram dangten thawhhona tha tak an neih a tul thu te a lo thlen a ni.
Central minister luh belh zel
