Central scheme tlangaupui turin IEC van chhuak tan

Sawrkar laipuiin ram mipui tana ruahmanna hrang hrang a siamte mipui mimirin chiang zawka an hriat theih nana tlangauna tur – Viksit Bharat Sankalp Yatra chu Aizawl bakah district dangah pawh kalpui tan niin, Inrinni khan vailiam a ni.
Central scheme tlangaupui
turin IEC van chhuak tan
Sawrkar laipuiin ram mipui tana ruahmanna hrang hrang a siamte mipui mimirin chiang zawka an hriat theih nana tlangauna tur – Viksit Bharat Sankalp Yatra chu Aizawl bakah district dangah pawh kalpui tan niin, Inrinni khan vailiam a ni.
Viksit Bharat Sankalp Yatra (VBSY) hnuaiah hian mipui hamthatna tur central scheme ho chu a dawngtur ten an dawn kim vek theihnan khaw hrang hrang kalchilh a, hmun leh hmuna sawrkar department aiawhten hrilhriat bakah hamthatna dawng tura an inziahluhna hun siam a ni dawn a. Chu’ng atan chuan sawrkar laipuiin IEC (Information, Education & Communication) van 17 Mizorama hman tur a rawn tir a ni.
Inrinni khan Prime minister Narendra Modi hoin state panga – Rajasthan, Madhya Pradesh, Chhattisgarh, Telengana leh Mizoram tan VBSY hi tlangzarh a ni a. State pangaten an awmhmun atangin inbiak hmuh theihna hmangin an lo chhim a ni. He scheme hi state dangah chuan kalpui tawh niin, inthlanpui avanga la kalpui theih lohna state panga tan tun tum hian programme hi buatsaih a ni.
Programme zawh hian Aizawlah chuan larsap Dr Hari Babu Kambhampati chuan heng lirthei hi Inrinni tlai khan a vailiam ve nghal a. Aizawl district tan van pathum leh Lunglei district tan van pahnih ruahman niin, district dang zawngah chuan van pakhat theuh tirh a ni a. Spare van leh recovery van pakhat ve ve a awm bawk.
Inhrilhriatna hi 2024 January 26 thleng neih tur a ni a. IEC van-ah hian a khalhtu bakah he hmalakna kaltlang hian rural scheme hrang hrang – PMJAY, Kisan Cedit Card, Har Ghar Jal – Jal Jeevan Mission, Jan Dhan Yojana adt. leh urban scheme hrang hrang – PM Mudra Loan, AB-PMJAY, Khelo India adt. inhrilhriat leh inziahluhna hun ruahman a ni ang.