Central sum hman dan thlirho
Sawrkar laipui atanga hmasawnna hna thawhna tura state sawrkar kuta sum lut hman dan thlirhoin Ningani khan State Audit Advisory Board (SAAB) 2025- 2026 an thukhawm a. SAAB thutkhawm hmasaa an thurel bawhzui a nih dan thlirletin hmachhawp thar an siam.
SAAB thutkhawm hi principal accountant general T Hangshing, IA&AS chuan kaihruaiin, senior deputy AG (Accounts) leh DAG (Audit) bakah AG office-a officer zawng zawng an tel a. Honorary external member ruat – NGO (CYMA), journalist aiawh, university professor, ukil aiawh leh retired officer thenkhat an tel.
Sawrkar laipui atanga fund lokal, state sawrkarin a hman dik tawk lohna leh dan leh hrai zawm tur an zawm that tawk lohna nia hriat department thenkhatah audit neih tura rawt thin a ni a. PAG office hian audit neiin sawrkar laipuiah report a thawn thin. Chu chu sawrkar laipuiin a buin a chhuah a, State Legislative Assembly-a pharh thin niin, ‘Comptroller and Auditor General of India – CAG Reports’ tih a ni.
He report-a thil fello nia langte chu opposition MLA kaihhruai MLA engemawzat telna Assembly-a Public Accounts Committee-in bawhzuiin action a la tura ngaih a ni a. Hriat theih chinah state tam tak PAC an thawh that viau laiin, Mizorama PAC-ten an thawk tha tawk thin loa, sawrkar hnathawk leh midang thil tidiklo te hrem an neih awm hriat tur avang hle tih sawi a ni. Sawrkar sum diklo taka hman hmuh let leh pawh a awm meuh lo tih report dawn a ni bawk.
Central sum hman dan thlirho
