Daily Newspaper

Central Team-in ZMC-a Covid kaite enkawl dan en

37

Mizorama Covid-19 dinhmun zirchianga lo kal Central Multi Disciplinary Team chuan Ningani khan Zoram Medical College Falkawn tlawhin Covid kai damlote enkawl dan kalphung an enfiah.

Central Multi Disciplinary Team hian ZMC ICU-a inenkawl dan bakah oxygen siamna hmunte an enfiah a; ZMC medical superintendent Dr. HC Laldina leh a thawhpuite kawmin, hnathawktu hrang hrangte chu an dinhmun leh hnathawh dan an sawipui a ni.

Heng bakah hian Covid laboratory test centre hnathawh dan an endik a. Covid kaite hnuchhui ngai buaipuitu, Contact Tracing Team pawh kawmin an hmalakna te an thlirho a ni.

Central Multi Disciplinary Team member Dr Vinita Gupta leh Dr. Shiva Kumar Chimtla te hian Nilaini khan Health & Family Welfare minister Dr R Lalthangliana kawmin, Mizoramin Covid hrileng dona kawnga hma a lakna hrang hrang – sample test, contact tracing, containment zone kalpui dan, Covid Appropriate Behaviour, damdawi in hrang hrangte inbuatsaih dan leh thil pawimawh dangte sawipuiin an zirchiang a, an thil hmuh leh zirchianna atanga rawtna an neihte sawrkar laipuiah an thlen leh dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy