Central YMA hnuaiah CADS indin thar

Central YMA hnuaiah CADS indin thar
Central YMA hnuaia ruihhlo do tur Central Anti Drugs Squads (CADS) chu dinthar leh a a ni.
YMA Rorel Inkhawm vawi 4-na in “Ruihhlo do kawngah YMA-in tun aia chak zawkin hma la rawh se” tia alo rel tawh angin, Central YMA hnuaia ruihhlo do tur Central Anti Drugs Squads (CADS) chu dinthar leh niin, March 15 khan Central YMA Hall Tuikhuahtlangah anmahni lawmluhna hun hman a ni.
Central YMA president Lalhmachhuana chuan, tunhnaiah ruihhloin nasa takin min chim chho mek a, heti renga kan kal chuan kan rama thalaite hi ruihhlo in min suat nasa hle dawn, tia sawiin, “Hetiang kan nih avang hian kan ram leh hnam dinchhuah lehna turin nang leh kei hian mawhphurhna kan nei. Pathian rinchhan chunga ke kan pen zel chuan ruihhlo nena kan indonaah hian hnehtu kan ni ngei ang,” a ti.
CADS-ah hian Aizawl khawpui chhung YMA branch hrang hrang atangin member 42 awm a ni a, convener atan treasurer Central YMA Roneihthanga ruat a ni.