Daily Newspaper

Centre-in air sports policy draft tichhuak

13

India sorkar chuan air sport atan draft national policy a siam tichhuakin hei hi he service hmang tu tena an hmanruate nena chhinchhiah vek ngaih tawhna tur niin hremna pawh awm tur a ni bawk.

He policy hian governance structure two-tier neiin Air Sports Federation of India (ASFI) chu apex governing body a ni dawn a. Air sport hrang hrang heng aerobatics, aeromodelling, amateur-built and experimental aircraft, ballooning, drones, gliding, hang gliding, paragliding, microlighting, paramotoring, skydiving, leh vintage aircraft te pawh a huam vek dawn a ni.

ASFI hi Ministry of Civil Aviation hnuaiah autonomous body a ni dawn a, Lusanne-a headquarter nei Federation Aeronaautique Internationale (FAI) ah India aiawh a ni bawk ang. Air sport hrang hrangah regulation, certification, copetitions, awards leh penalty te relfel tu tur a ni dawn a ni.

Air sports association tin te chuan an hmanraw hmanah equipment, infrastructure, personnel leh traning hrang hrangah dan an siam dawn a ni.

Mimal leh pawl tin te air sports service pe thin te chu air sports associations-ah member angin an in register tur a ni a. An hmanraw pawimawh te pawh register tur a ni bawk.

India rama air sports hmunpui heng Himachal Pradesh-a Bir Billing te, Sikkim-a Gangtok te, Maharashtra-a Hadapsar te leh Kerala-a Vagamon te chu ‘control zone’ a puan tur a ni dawn a ni.

School leh college te chu an curriculum-a air sports telh tura ngen an ni dawn a, zirlaite pawh FAI international competition a an tel theih nan ruahmanna siam a ni dawn bawk.

Hei bakah hian air sports draft poilicy chuan Atmanirbhar Bharat Abhiyan hnuaiah India ram chhung ngeiah air sports hmanrua siamchhuah a nih theih nana hmalakna kalpui a ni dawn bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy