Daily Newspaper

Centre-in ramri buai State leh state chinfel tur ti

20

Assam-in a thenawm state palite nena ramri buai a nei vek a, chung zingah chuan Mizoram pawh a tel a, inter-state ramri buai hi state sorkarte thawhhona neih that chauha chinfel theih a ni, tiin Home Ministry chuan parliament a hrilh a. Centre chu ‘heng ramri buainaah hian Centre chu awlsamna siamtu mai a ni’ tiin a tarlang bawk.

“Ramri kham leh then kaihhnawihah ngaihdan inang lo a awm thin a, State leh state ten ramri-ah ngaihdan inang lo an nei thin” tiin Minister of State for Home Affairs Nityanand Rai chuan ziaka chhanna a siamah a sawi a ni.

Sorkarin data a neih ang chuan ramri kham chinfel loh pasarih zinga pali lai chu Assam leh state dangte ramri a ni tiin a sawi a. “Haryana-Himachal Pradesh, Union Territory of Ladakh-Hmachal Pradesh, Maharashtra-Karnataka, Assam-Arunachal Pradesh, Assam-Nagaland, Assam-Meghalaya leh Assam leh Mizoram ramri chinfel lohin a awm” tiin Minister chuan a sawi bawk.

“Centre chuan inter-state ramri buaina chu state sorkarte ve ve thawhhona tha chauhah chinfel theihah a ngai a, centre chu inremna tha a awm theih nana awlsamna thlentu mai chauh a ni” tiin Rai chuan a sawi.

Union Home Minister Amit Shah-an Director Intelligence Bureau Arvind Kumar leh Union Home Secretary Ajay Bhalla-te hruaia Northeast tlawha CM theuhte nena sawihona an neih a hawsan hnu lawkah Mizoram leh Assam ramri-ah buaina a chhuak a ni.

Hetihlai hian Opposition-te chuan Shah demin, “Home Minister chungah mit a fuh vek e, tun hnai lawkah Northeast a tlawh a, ni tinin a laktlak lohna lailanin a awm zel” tiin Trinamool leader Derek O’Brien chuan a sawi thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy