Civil Hospital Aizawl tihchangtlunna tur – biometric attendance, medical record digitalization, CCTV, hospital pharmacy, Jan Aushadhi, hospital website, online OPD registration & UPI payment, SMS lab report, OPD ticket counter leh HIV viral load machine chu Nilaini khan Health & Family Welfare minister Lalrinpuii chuan a tlangzarh.
Natna enkawl kawnga hmasawnna pawimawh tak tur chu tangkai taka hman a nih a beisei thu Health minister hian a sawi a. Mipui min mamawhtute avanga he department-a awm an nih angin, anmahni dawrtute chu an tana mi pawimawh an ni, tiin, “Tute pawh ngaipawimawh ang u” a ti. Anmahni dawrtute chu engemaw kawng zawng tala hlimna thlentu ni tura a duh thu a sawi a ni.
Biometric attendance hi thla khat vel a enchhinna kalpui hnuah mumal zawka hman tan a ni a. Hospital-a damlo awm zawng zawng record kimchang hi kum 10 chhung dahthat a nih hnuah kum 10 chin bak chu hal ral zel thin a ni a, damlo history record vawnthat hi research tih nan leh thildang atan mamawhna a awm tak zel avangin December 2023 atang khan digitalize a ni.
Hospital-a damlote leh thawktute him zawk nan CCTV camera bun a ni a. Damlo harsa zawkte tan pawnlama man to tak taka damdawi leh hmanraw dang lei ngai loin, hlawkna um loin pharmacy siam a ni. Dialysis, cardiology, ICU-a awmte tana tih deuh bik a ni.
Hospital chungchang chiang zawka hriat theih nan website duan a ni a, hetah hian OPD-a doctor thut hun, Birth & Death Certificate apply theihna tur, hospital chhunga thil tih theih leh tih theih loh, scheme hrang hrang awm leh thildang dah tum a ni. Hriselna lam inzirtirna huang telh tura hma lak tel a ni bawk.
OPD card la tura thui tak tak intlar ngai tawh loin, mahnia lak mai theih tura internet kaltlanga pawisa pekna nen siam a ni a. Investigation result pawh a theih chin chin SMS hmanga report thawn chhuah theihna tur a ni.
8. OPD ticket counter siambelhin, PwD (Vohbik), nu naupai, naupang leh kum upate tan counter hrang siam a ni. HIV natna hrik tam leh tam lo enna – viral load machine dah a ni a, Mizorama awm hmasa ber a ni.
CHA pantute awlsamna tur siam
