Daily Newspaper

Chak loh tuar thiam Azarenka

10

Unseeded Victoria Azarenka chuan champion tura rinkai pawh a nih phak lohna US Open-ah final hial lutin, set khatna chiang zeta a lak hnuah Naomi Osaka erlet a tuar ta lo a, inkhelh banah a chak zo lo chu na ti hle mah se lungngaih vak chu tul a tih loh thu a sawi.

Vawihnih ngawt Australian Open champion ni ve tawh Azarenka chuan, “Nat zawng a na ngei a, tlawm zawk nih hian nat loh lai a nei lo, mahse, tul lo takin ka lungchhe lo e. Ka inngaihtuah lungpuam reng dawn em ni? Teuh lo mai. He hmuna thu tlawk tlawk tur leh tuar reng tur ka ni lo,” a ti.

World No. 1 hlui hian thla hmasa mai khan kumli chhunga a vawikhatna atan Western & Southern Open-ah a WTA title hmasaber a hlawhchhuak a, Inrinni final kha kum sarih chhunga Grand Slam final a khelh vawikhatna a ni.

Belarusian hi US Open-ah a mir lo takzet a, tum hnih ngawt kum 2012 leh 2013 khan he hmunah hian runner-up a lo ni tawh a, kum 2017-ah nau neih chawlh atangin khelmualah a kirleh a, kumin March thlaa hripui avanga WTA Tour tihtawp a nih lai khan tennis chawlhsan a lo tum uaih uaih hman tawh a, mahse, tennis an chhunzawm leh hnuah tha takin a inlan mar a, US Open title erawh a ban phak lohah a la tawlh hla ta zel a ni.

Amah pawhin kumin hian Flushing Meadows-ah rinkai a ni lo tih a inpawm a, mahse, amah ngei pawhin a rin loh ang zelin thil a kal chho a, US Open title hawn leh thei ta rih lo mah se a lungngaih lutuk loh thu a sawichhuak a, a rilru tak tak pawh ni theiin a lang!

Azarenka hian Pathianni khan Rome a thlawklut a, Italian Open hi wild card entry hmangin a khel dawn a, Grand Slam title pasarih la tawh lakah bul a tan dawn a ni.

A hmachhawp sawiin Belarusian Azarenka chuan, “Clay leilunga inkhel turin ka inbuatsaih zui lehnghal a, bal a sawt rang dawn a, mahse, a hlimawm thin,” a ti.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy