Daily Newspaper

Chakma aiawhten ngaihdam dil

5

Tunhnaia Lawngtlai district Saizawh West khawmite an khuaah Chakma thenkhatten kalchilha pawi an khawih chungchangah Central Young Chakma Association chuan ngaihdam a dil.

Central YCA hian thuchhuah siamin, Saizawh West mi Chakma thalaite kut tuartu leh an chhungte bakah Saizawh West khawtlang leh Mizo mipui hnena ngaihdam an dil thu a tarlang.

Saizawh khuaa thil thleng chu Central YCA chuan vanduaithlak a tih thu leh a dem thu a tarlang a. Mizote rilru an tihnat avangin pawi an tih thu leh he thil thlenga mawhphurtu nia puhte chu police-ten man vek tawhin Lawngtlai District Jail-ah dahluh an nih tawh thu te; tun hnua hetiang thil hi a thlen tawh lohna tura hma lak an tum thu leh, social media lama chi leh chi inkara boruak tha lo zawnga thu thehdarh lo tura mitin an ngen thu te a tarlang bawk.

Lawngtlai Police hotute pawhin September 3 zana Saizawh West tlangvalin mi kut a tawrh chungchangah mimal leh pawl ang emaw hnam leh hnam inkara buaina chawkchhuak thei zawng emawa hma la lo turin mitin an ngen tih an sawi.

He thil thleng chungchangah hian Chawngte Police Station-ah thubuai ziahluh niin, thil awmdan chhui nghal a nih thu te, thil tisualtu nia hriat mi 11-te man nghalin, an zinga kum tling lo pahnih tih loh chu Lawngtlai District Jail-a dahluh nghal an nih thu te police hian an sawi.

Hetihlai hian Chawngte-a pawl hrang hrang – YMA, MSU, Mizoram Chakma Students Union leh Central YCA-te awmna All NGO chuan thuchhuah siamin, pawikhawihtute an phu tawk hremna pek an phut bakah kuttuartu hnenah zangnadawmna pek an phut thu te, hetianga tharum thawhna a thlen tawh lohnan Central YCA-in hma la se an ti a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy