Daily Newspaper

Chaltlang YMA-in Vairengte Joint YMA puihna hlan

30

July 20 khan YMA Chaltlang Branch chuan kum 74 a tling a, a lawmna atan Vairengte Joint YMA hnenah sumfai Rs. 60,000 leh puan 50 a hlan.

Sum hi YMA Branch leh Chaltlang khawtlangin an thawhkhawm, Vairengte YMA-ten an mamawh anga an hman tura hlan niin, puan hi Mizoram mi, state pawna boral, ruang hlawm thin an nih anga Vairengte YMA mamawh phuhrukna tura tih a ni.
Chaltlang YMA aiawhin an hruaitu 10 Vairengteah a kal a. Serlui Group YMA leh Vairengte Joint YMA hruaituten lo dawngsawngin an inkawmho nghal a ni.

YMA Chaltlang Branch president Chawngsiamliana chuan, an rilruah Vairengte YMA leh khawtlang an awm reng tih a sawi a. “|hahnemngai takin ramriah hma in la thin a, kan hre reng che u tih lantirnan kan din cham lawm nan tanpuina hlan che u tha kan ti a. A taka chetchhuah ngaih hunah pawh min rawn au turin kan chah bawk che u,” a ti.

Vairengte Joint YMA president Zalawta chuan YMA Chaltlang Branch aiawha kalte hnenah lawmthu sawiin, tunhnai leh hun hmasa lama ramria buaina thlen dan tlangpui leh YMA leh khawtlangin hma an lak dan leh lak chhunzawm zel tum dan te a sawi a. Serlui Group YMA president Z Remkima pawhin chuan YMA Chaltlang Branch kum 74 tlin lawmpuina hlanin, mahni intihhlimna lam aia an hnen lama an lo luangchhuak chu an lawm hle tih a sawi a ni.

YMA Chaltlang Branch hian an dincham lawmna denchhen hian vengchhungah YMA lungphunte chei tha in, branch leh section-ten YMA flag leh Branch Day chibai bukna banner te an tar a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy